Nivîs: I. Battê
Deng: Rêşad Sorgul
Em li ser navê Mizîzex Online gelek spasiya mamoste Rêşad Sorgul dikin ji bo vê xebata wî ya bi nirx ji bo wêjeya kurdî.
Hun dikarin vê û gelek berhemên din ên Rêşad Sorgul di kanala wî ya YouTube de jî temaşe û guhdarî bikin. Û ji bîr nekin, bibin endamên kanalê da ku hun ji hemû berhemên nû zû agahdar bibin.
Rêşad Sorgul sala 1968ê li navçeya Çinar a Diyarbekirê, li gundê Qerqatkê ji dayik bû.
Piştî xwendina dibistana seretayî, navîn û lîse li Amedê, ew sala 1991ê ji bo xwendina zanîngehê çû paytexta Misrê Qahîreyê. Salekê li zanîngeha Bêrûdê şaxê Iskenderiyê, li beşa hiqûq û du salan jî li Zanîngeha El Ezherê beşa dîrokê xwend. Sala 1994ê ji Qahîreyê derket û piştî çar mehan xwe gihand bajarê Hannover ê Elmanya.
Piştî du sal xebatên li kovara Bawerî, gulana sala 1997ê li MED TV û piştre li Medya TV, Roj TV, Nûçe TV, Newroz TV û Ronahî TV xebitî. Niha jî li Stêrk TV kar dike.
Hin ji berhemên Rêşad Sorgul:
- Veger (Tîrmeh 2001 - Weşanên Rewşen li Elmanyayê)- ceribandin
- Evdalkovî (Sibat 2004 - Weşanxaneya Mezopotamyayê li Elmanyayê)- bîranîn
- Seydayê Min (Sibat 2007 - Weşanên Belkî / Stenbol)- çîrok
- Niqutî Dilê Min (Nîsan 2010) - Weşanên Welat WW / Stenbol)- roman
- Pêjna Feqî (Mijdar 2013) - Weşanên Welat WW / Stenbol)- çîrok
- Gurxenêq (Tebax 2015) - Weşanên Aram / Stenbol)- çîrok
- Sê qismet û kurê pîrê (2018) - Adaptasyon ji Yewnanî - dijîtal / Belçîka - çîrok
- Çilguliyê (2019) - dijîtal / Belçîka - çîrok
- Feqiyê Teyran û Pîrê Çiyê (Tebax 2020) - dijîtal / Belçîka - Roman
- Bûka Mirinê (Hezîran 2021) - dijîtal / Elmanya - kurteçîrok
- Seyadê Şamê (Îlon 2021) - dijîtal / Rojava - biyografî
- Gulperî (Kanûn 2021) - dijîtal / Rojava - çîrok
- Reşoyê Kûrî (Kanûn 2021) - dijîtal / Rojava - çîrok
- Zembîlfiroş û Gulxatûn (Cotmeh 2022) - dijîtal / Elmanya - destan
